ဆလိုဗေးနီးယားနိုင်ငံ၏ တရားဝင်အမည်မှာ ဆလိုဗေးနီးယားသမ္မတနိုင်ငံ ဖြစ်ပြီး ဥရောပ အလယ်ပိုင်းနှင့် အရှေ့တောင်ပိုင်းတွင် ရှိသော နိုင်ငံတစ်နိုင်ငံ ဖြစ်သည်။ အယ်လ်ပ် တောင်တန်း နှင့် ထိစပ်လျက် ရှိသလို မြေထဲပင်လယ်နှင့်လည်း ထိစပ်လျက် ရှိသည်။ အနောက်ဘက်တွင် အီတလီနိုင်ငံ၊ အရှေ့ဘက်နှင့် တောင်ဘက်တွင် ခရိုအေးရှားနိုင်ငံ၊ အရှေ့မြောက်ဘက်တွင် ဟန်ဂေရီနိုင်ငံ၊ မြောက်ဘက်တွင် ဩစတြီးယားနိုင်ငံ တို့နှင့် ထိစပ်လျက် ရှိပြီး အေဒရီယေးတစ် ပင်လယ်နှင့် ထိစပ်နေသော ကမ်းရိုးတန်း မိုင်အနည်းငယ်မျှ လည်း ရှိသည်။ ဧရိယာ စတုရန်းမိုင်ပေါင်း ၇,၈၂၇ မိုင် (၂၀,၂၇၃ စတုရန်းကီလိုမီတာ) မျှ ရှိပြီး လူဦးရေမှာ ၂.၀၅ သန်းမျှ ရှိသည်။