Sydney Opera House

( ဆစ်ဒနီ အော်ပရာ ပြဇာတ်ရုံ )

Description

ဆစ်ဒနီ အော်ပရာ ပြဇာတ်ရုံ သည် ဩစတြေးလျနိုင်ငံ နယူးဆောက်ဝေးပြည်နယ် ဆစ်ဒနီမြို့ ရှိ ဖျော်ဖြေရာ နေရာ အများအပြားရှိသော ဇာတ်ရုံ တစ်ခု ဖြစ်သည်။ ထို အဆောက်အဦးသည် ၂၀ရာစု၏ အကျော်ကြားဆုံးနှင့် ထူးခြားမှု အရှိဆုံး အဆောက်အဦး စာရင်းတွင် တစ်ခု အပါအဝင် ဖြစ်သည်။

ဒတ်ချ်လူမျိုး ဗိသုကာပညာရှင် ဂျွန်အတ်ဇွန်မှ ဒီဇိုင်းရေးဆွဲခဲ့ပြီး ထိုအဆောက်အဦးကို ၁၉၇၃ ခုနှစ် အောက်တိုဘာ ၂၀ ရက်တွင် တရားဝင် ဖွင့်လှစ်ခဲ့သည်။ ၁၉၅၇ ခုနှစ် နိုင်ငံတကာ ဒီဇိုင်းပြိုင်ပွဲတွင် အတ်ဇွန် အား အနိုင်ရသူ အဖြစ် ရွေးချယ်ခဲ့ပြီးနောက် ထိုအကြံအစည်အား တဖြည်းဖြည်း အကောင်အထည် ဖော်လာခဲ့ခြင်း ဖြစ်သည်။ ပြည်နယ်ဝန်ကြီးချုပ် ဂျိုးဆက်ဖ် ကာဟေး ဦးဆောင်သော နယူးဆောက်ဝေး အစိုးရမှ ၁၉၅၈ ခုနှစ်တွင် စတင်ဆောက်လုပ်ရန် ခွင့်ပြုခဲ့ပြီး အတ်ဇွန်းမှ ဆောက်လုပ်ရေး လုပ်ငန်းများတွင် ဦးစီးညွှန်ကြားခဲ့သည်။ အတ်ဇွန်၏ ဒီဇိုင်းအတိုင်း ဆောက်လုပ်ရန် အတွက် အစိုးရ၏ ဆုံးဖြတ်ချက်မှာ ကုန်ကျငွေနှင့် တည်ဆောက်ချိန် မှန်းချက်ထက် ပိုသွားခြင်း နှင့် ဗိသုကာ နုတ်ထွက်သွားခြင်း အစရှိသော နောက်ဆက်တွဲ အဖြစ်အပျက်များကြောင့် စနိုးစနောင့် ဖြစ်ခဲ့ရသည်။