အာဝုကနဗုဒ္ဓရုပ်ပွားတော်

Description

အဗုကာနဗုဒ္ဓရုပ်ပွားတော် သည် သီရိလင်္ကာနိုင်ငံမြောက်အလယ်ပိုင်း ကီကိရဝအနီးတွင် တည်ရှိသည့် ရပ်တော်မူနေဟန် ဗုဒ္ဓရုပ်ပွားတော်တစ်ဆူ ဖြစ်သည်။ ရုပ်ပွားတော်၏ အမြင့်သည် ပေ ၄၀ ကျော် (၁၂ မီတာ) ရှိ၍ ကြီးမားသည့် ကျောက်သားမျက်နှာပြင်ကို ထွင်းထုကာထားသည့် ရုပ်ပွားတော်တစ်ဆူ ဖြစ်သည်။ ရုပ်ပွားတော်ကို ၅ ရာစု အချိန်ကာလအတွင်းက ပြုလုပ်ခဲ့သည်။ ရုပ်ပွားတော်ကို အဘယမုဒြာပုံစံ ထုလုပ်ထားပြီး သင်္ကန်းကို ရုံထားဟန် ဖြစ်သည်။ ဓာတုသေနမင်းလက်ထက် အတွင်းက တည်ဆောက်ခဲ့ပြီး ရုပ်ပွားတော်သည် ဆရာဖြစ်သူနှင့် တပည့်ဖြစ်သူတို့၏ ပြိုင်ဆိုင်ထုပ်လုပ်ကြရာမှ ပြီးစီးအောင်မြင်ခဲ့သည့် ရလဒ်တစ်ခု ဖြစ်သည်။ အဗုကာနရုပ်ပွားတော်သည် သီရိလင်္ကာနိုင်ငံတွင် တည်ထားခဲ့သည့် ရှေးကျသည့် ရပ်တော်မူနေဟန် ရုပ်ပွားတော်များထဲတွင် အကောင်းဆုံးတစ်ခုလည်း ဖြစ်သည်။ ယခုအခါ ရုပ်ပွားတော်သည် ခရီးသွားလည်ပတ်သူမျာအကြား ထင်ရှားလျက်ရှိသည်။