Велшка катедрала (англиски: Wells Cathedral), офиц. Катедрална црква „Свети Андреја“ (Cathedral Church of St. Andrew) — англиканска катедрала во градот Велс во Сомерсет, Англија.

Храмот е изграден во периодот од 1175 до 1490 година. Поголемиот дел од катедралата е изграден во готска архитектура. На неговата источна страна катедралата ги има задржано оригиналните стакла кои се од материјал кој е многу редок во земјата. Надворешноста е повторно изработена во готски стил со многу привлечна фасада и голем средишен шилец.

Најпрвата црква која била изградена на местото на денешната катедрала датира од 705 година. Според археолошките пак ископувања, на оваа место постоел мавзолеј кој датирал од доцноримскиот период.

Денешниот облик, односно изградбата на денешната катедрала започнала во текот на 10 век, и во голема мера истата била довршена во 1239 година. Големата реконструкција започнала во времето на приорот Реџиналд де Бохун, во 1184 година. Во времето на Хенри VII, соборната зграда била целосно завршена, со изглед како што е денес. По распуштањето на манастирите во 1541 година, приходот на катедралата бил значително намален.