За други значења на поимот Наска видете Наска (појаснување)

Насканските линии се низа на стари геоглифи кои се наоѓаат во пустината Сечура во Перу. Тие се денес дел од светското културно наследство на УНЕСКО. Површината кои ја зафаќаат линиите е околу 80 километри помеѓу градовите Наска и Палпа. Иако некои од линиите и приказите наликуваат на елементи од културата на Паракас, сепак научниците тврдат дека тие се всушност дел од културата на Наските кои датираат од 200 п.н.е. до 700 година. Линиите се во форма на различни животни.

Линиите се создадени со помош на копање, односно со отстранување на црвеникавата површина и со појавување на посветла почва. Голем број од формите имаат геометриска структура, но има и во форма на живони како на пример птица, мајмун, риба и човекови форми. Најголемата фигура е долга 200 метри. Денес има голема дебата за причините за создавање на линиите, но голем дел од истражувачите веруваат дека тие имале религиозна цел.

Поради сувата клима која владее во тој дел од Перу, линиите денес се доста добро зачувани. Мали промени на климата во пустинскиот дел може да оштети голем дел од формите.