La Coruña

( Ла Коруња )

Description

Ла Коруња (шпански: La Coruña) или А Коруња (галициски: A Coruña) — град во северозападна Шпанија, административен центар на покраината Ла Коруња од автономната заедница Галиција, Шпанија. Градот се наоѓа на брегот на Атланскиот Океан. Ла Коруња е вториот најголем град во Галиција. Градот бил престолнина на Галиција за да се премести во средниот век во Сантјаго де Компостела.

Градот зафаќа површина од 36,8 км² и население од 243.349 (2006). Градот бил населен уште од најрани времиња. Во времето на Римјаните бил изграден светилникот односно Хераклевата кула. За првпат во шпаско време градот се споменува во XIII век.