Градската библиотека во Малме е општинска јавна библиотека во Малме, Шведска, била отворена на 12 декември 1905 година. Има 550.000 различни извори за читање и слушање, околу 10.000 ДВД-а и 33.500 музички ЦД-а. Во 2006 година, таа станала првата библиотека во Шведска која позајмувала видео игри.

Во 1946 година, библиотеката се преселила во „Замокот“ во Регементсгатан. Замокот, првично бил изграден за музејот Малме, а бил дизајниран од архитектите Џон Смедберг и Фредрик Сундберг кои биле инспирирани од данските и јужните шведски ренесансни замоци.

Градската библиотека во Малме, како што е денес, се состои од три згради:

Старата зграда на библиотеката;

новата, централна влезна зграда и

новата зграда на библиотеката - сите обединети со стаклени коридори. Една од зградите, „Календарот на светлината“ била дизајнирана од данскиот архитект Хенинг Ларсен.

Дневната светлина игра суштинска улога во сите градежни простори и се доживува како стимулирачки и различен елемент во текот на сите часови од денот. Влезниот простор е осветлен одозгора покрај ѕидовите, додека централниот простор ја исполнува целата просторија со светлина што тече надолу и се филтрира низ катовите. Овде, небото го сочинува погледот. Големиот простор функционира како еден вид „календар на светлината“ каде светлината е обоена од лисјата на големите дрвја во паркот кој се наоѓа пред замокот.