Фернандо де Нороња — архипелаг во состав на државата Пернамбуко, Бразил. Сочинет се од 21 остров и мали островчиња во Атлантскиот Океан, оддалечени 354 километри од бразилскиот брег. Островите се од вулканско потекло. Името на архипелагот е извртен облик од личното име на португалскиот трговец, Фернандо де Лороња, кому биле дадени од португалската круна за службата со увоз на дрво од Бразил. Само истоимениот главен остров е населен, зафаќа површина од 18,4 км² и има население од 2.718 жители (2012). Вкупната површина на целиот архипелаг на острови изнесува 26 км².