Бангкок (тајландски: กรุงเทพมหานคร) — главен и најголем град на Тајланд. Позициран е при вливањето на реката Чао Праја кај Тајландскиот Залив. Според населението Бангкок е двадесет и втор по ред најголем град во светот.

Бангкок е еден од најекономско динамичните градови во југоисточна Азија. Туризмот е главен фактор во економијата на Бангкок и се смета дека Бангкок дури ќе ги надмине центрите на Сингапур и Хонгконг, но градот страда од тешки инфраструктурни и социални проблеми како резултат на неговиот брз раст. Светската метеоролошка организација објавила дека Бангкок е најжешкиот град во светот.