ЦН Кулата (англиски: CN Tower) во центарот на Торонто, Канада е комуникациска и туристичка кула со висина од 533,33 метри. Таа била своевремено повисока од Останкинската кула во СССР уште во текот на градбата, и оттогаш останала највисока градба на светот, сѐ до 2007. година кога била надмината од зградата Бурџ Калифа.

ЦН Кулата и понатаму е највисока градба на американскиот континент, и привлекува по 2 милиони туристи годишно.

Името „ЦН“ првобитно се однесувало на Канадските национални железници (англ. Canadian National Railway), бидејќи железничката компанија ја изградила кулата. Подоцна таа ја пренела кулата на Канадската земјишна компанија, но името останало, сега како „Канадска национална кула“ (англ. Canada's National Tower).

Во 1995., кулата била прогласена за едно од современите светски чуда од Американската асоцијација на градежни инженери.