ប្រទេសស៊ូដង់ខាងត្បូង ដោយមានឈ្មោះជាផ្លូវការថា សាធារណរដ្ឋស៊ូដង់ខាងត្បូង គឺជាប្រទេសមួយស្ថិតនៅតំបន់អាហ្រ្វិកឦសាន។ វាមានព្រំប្រទល់ខាងកើតជាប់នឹង ប្រទេសអេត្យូពី ប្រទេសស៊ូដង់នៅភាគខាងជើង ខាងលិចជាប់នឹងសាធារណរដ្ឋអាហ្វ្រិកកណ្តាល ភាគនិរតីជាប់នឹងសាធារណរដ្ឋប្រជាធិបតេយ្យកុងគោ នៅភាគខាងត្បូងជាប់នឹងប្រទេសអ៊ូកង់ដា និងនៅភាគអាគ្នេយ៍ជាប់ជាមួយប្រទេសកេនយ៉ា។ ប្រទេសនេះ​មាន​ប្រជាជន​ចំនួន ១១ លាន​នាក់ ហើយមានរដ្ឋធានី ​និង​ទីក្រុង​ធំ​បំផុតឈ្មោះជូបា។ ប្រទេសនេះពេលខ្លះត្រូវបានគេហៅថា សាធារណរដ្ឋនីឡូទិក (ព្រោះគេបានចាត់ទុកវាជាទឹកដីកំណើតនៃជនជាតិនីឡូទិក)។

ថ្ងៃទី៩ ខែកក្កដា ឆ្នាំ២០១១ ស៊ូដង់ខាងត្បូងបានប្រកាសឯករាជ្យជាផ្លូវការដោយផ្ដាច់ខ្លួនចេញពីសាធារណរដ្ឋស៊ូដង់ ហើយជាលទ្ធផល សង្គ្រាមស៊ីវិលដែលបានអូសបន្លាយជិត​ពាក់​កណ្ដាលសត្សវត្សរវាងរដ្ឋខាងជើងនិងខាងត្បូងក៏ចូលមកដល់ទីបញ្ចប់។