ტაპუტაპუატეა — საფრანგეთის პოლინეზიის კომუნა, საფრანგეთის ზღვისიქითა ტერიტორია წყნარ ოკეანეში. ტაპუტაპუატეის კომუნა მდებარეობს კუნძულ რაიატეაზე, საზოგადოების კუნძულების ლეიტარდის ადმინისტრაციულ ქვედანაყოფში. 2017 წლის მონაცემებით მოსახლეობა შეადგენს 4 792 ადამიანს. 2017 წელს ტაპუტაპუატეა თავის წმინდა ადგილ მარაესთან ერთად შეიყვანეს იუნესკოს მსოფლიო მემკვიდრეობის ძეგლების სიაში.

ტაპუტაპუატეა შედგება შემდეგი ასოცირებული კომუნებისაგან:

• ავერა
• ოპოა
• პუოჰენი

კომუნის ადმინისტრაციული ცენტრია ავერა.

კომუნას სახელი ეწოდა მარაეს დიდი კომპლექსის მიხედვით, რომელიც წარსულში აღმოსავლეთ პოლინეზიის რელიგიური ცენტრი იყო. ტაპუტაპუატეის მარაეს არქეოლოგიური ძეგლი დღესაც არის კუნძულ რაიატეის ყველაზე ცნობილი ღირსშესანიშნაობა.