شبام
( შიბამ ჰადრამუტი )შიბამი (არაბ.شبام) — ქალაქი იემენში. მისი მოსახლეობა დაახლოებით 7 000 ადამიანია. პირველი ცნობები ქალაქის შესახებ, ჩვ.წ. III საუკუნით თარიღდება. იგი ჰადრამაუტის სამეფოს დედაქალაქი იყო.
შიბამი ცნობილია თავისი არქიტექტურით, რის გამოც 1982 წელს ის იუნესკომ მსოფლიო მემკვიდრეობის სიაში შეიყვანა. ქალაქში თითქმის ყველა სახლი მიწისგან დამზადებული, გამოუწვავი აგურისგანაა აშენებული. ქალაქში დაახლოებით 500 საცხოვრებელია, რომელიც 5-11 სართულისაგან შედგება. მშენებლობის ეს ტექნიკა გათვლილი იყო ბედუინების შემოსევებისგან ადგილობრივების დასაცავად. შენობათა უმრავლესობა XVI საუკუნით თარიღდება.
შიბამს ხშირად „მსოფლიოს უძველეს ცათამბჯენების ქალაქს“ ან „უდაბნოს მანჰეტენს“ უწოდებენ. ქალაქი ერთ-ერთი უძველესი და საუკეთესო მაგალითია ურბანული დაგეგმარებისა, რომელიც ვერტიკალურ კონსტრუირებაზე იყო დაყრდნობილი.
![Jialiang Gao www.peace-on-earth.org [dead link] - CC BY-SA 3.0](https://www.holamon.cat/sites/default/files/styles/original_to_webp/public/pla/images/2021-02/1280px-Shibam_Wadi_Hadhramaut_Yemen.jpg.webp){kind=link}
კომენტარის დამატება