რებმანი (ინგლ. Rebmann Glacier) — მყინვარი ტანზანიაში. მდებარეობს კილიმანჯაროს უმაღლეს ნაწილში. დიდი მყინვარული საფრის რელიქტია, რომელიც ოდესღაც ფარავდა მწვერვალის ზედაპირს. 1912–2000 წლების ფარგლებში მყინვარი შეთხელდა 82 %-ით. მყინვარს სახელი ეწოდა გერმანელი მოგზაურისა და მისიონერის იოჰანეს რებმანის პატივსაცემად. იგი იყო პირველი თეთრკანიანი, რომელმაც მოგვაწოდა ინფორმაცია კილიმანჯაროზე არსებული თოვლისა და მყინვარების შესახებ (1848).