ლოს-პინჩუდოსი (ესპ. Los Pinchudos) — ჩაჩაპოიას კულტურის კლდეში გამოკვეთილი, ოსტატურად გაკეთებული საფლავების კომპლექსი პერუში, ჩრდილოეთ ანდების ნისლიან ტყეებში. მდებარეობს რიო-აბისეოს ეროვნული პარკის ტერიტორიაზე. თიხისა და ქვის საფლავებს ხის თავსახურები აქვს, რომლებიც მოხატულია წითელ, ყვითელ, შავ და თეთრ ფერებში. ანთროპომორფული ნახატებზე გამოსახულია დიდი ფალოსები, რის გამოც ეწოდა ძეგლს აღნიშნული სახელი.

სეისმური აქტივობების შედეგად გუარესებული გარემო პირობების გამო, საფლავები დაუცველია მკაცრი ტროპიკული კლიმატისა და ტურისტებისაგან. შედეგად, მსოფლიო მონუმენტთა ფონდმა ლოს-პინჩუდოსი მეთვალყურეობის ქვეშ მყოფ 2000 მსოფლიო მონუმენტის სიაში შეიტანა. 2000 წელს, კომპანია American Express-მა კონსერვაციისა და სტრუქტურული სტაბილიზაციის პროექტისთვის ფონდს 47 000 აშშ დოლარი გამოუყო. პროექტმა წარმატებით ჩაიარა, თუმცა ძეგლს კვლავ სჭირდება დამატებითი ყურადღება და მუდმივი მენეჯმენტის გეგმა.