Las Médulas
( ლას-მედულასი )ლას-მედულასი (ესპ. Las Médulas) — ისტორიული ადგილი ესპანეთის ლეონის პროვინციაში, ქალაქ პონფერადის მახლობლად, რომელიც ერთ დროს რომის იმპერიის მთავარ ოქროს მაღაროს წარმოადგენდა. ლას-მედულასის კულტურული ლანდშაფტი 1997 წლიდან შესულია იუნესკოს მსოფლიო მემკვიდრეობის სიაში.
ლას-მედულასის სანახაობრივი ლანდშაფტი და ოქროს მოპოვებითი ტექნოლოგია ახ.წ. 77 წელს აღწერილი აქვს პლინიუს უფროსს. ოქროს მოპოვებით სამუშაოებში გამოყენებული იყო ჰიდრავლიკური სისტემა, რომელიც წყლის დიდი რაოდენობის წყალობით მთის გამორეცხვას გულისხმობდა. წყალი შვიდი დიდი აკვედუკის საშუალებით მოემართებოდა ლა-კაბრერის რაიონიდან. იგივე აკვედუკები გამოიყენებოდა ოქროს შემცველი დეპოზიტების გასარეცხად.
ეს ტერიტორია ძვ. წ. 25 წელს რომის იმპერატორმა ოქტავიანე ავგუსტუსმა დაიპყრო. დაპყრობის მთავარ მიზანს დიდი რაოდენობით ოქროს შემცველი ალუვიური დეპოზიტები წარმოადგენდა, რომლისგანაც ადგილობრივები ოქროს მოიპოვებდნენ. ოქროს მასიური წარმოება აქ ახ. წ. I საუკუნის მეორე ნახევარში დაიწყო.
![[node:title]](/sites/default/files/styles/640x320/public/default_images/default_0.JPG.webp?itok=aqV9zhFR)
კომენტარის დამატება