იელოუსტოუნის ეროვნული პარკი (ინგლ. Yellowstone National Park) — ეროვნული პარკი აშშში, უაიომინგის, მონტანასა და აიდაჰოს ტერიტორიაზე. პარკი აშშ-ის კონგრესისა და პრეზიდენტ ულისე გრანტის ბრძანებით 1872 წლის 1-ელ მარტს დაარსდა. იელოუსტოუნი პირველი ეროვნული პარკი იყო აშშ-სა და მსოფლიოს მასშტაბით. პარკი ცნობილია ველური ბუნებითა და გეოთერმული მახასიათებლებით, განსაკუთრებით, Old Faithful გეიზერით. იელოუსტოუნში მრავალი ტიპის ბიომია, თუმცა ყველაზე უხვად სუბალპური ტყეებია წარმოდგენილი. შედის სამხრეთ-ცენტრალური კლდოვანი ტყეების ეკორეგიონში.