ჰა-ლონგის უბე (ვიეტ. Vịnh Hạ Long — სადაც დრაკონი ზღვაში ჩაეშვა) — უბე ტონკინის ყურეში, სამხრეთ ჩინეთის ზღვაში.
უბე მოიცავს 3000-ზე მეტ კუნძულს, კლდეებს, მღვიმეებს. კლდეების კირქვები 500 მლნ წლის წინაა ფორმირებული. უბის ფართობი დაახლოებით 1500 კმ²-ია. ხმელეთი თუ წყალქვეშა სამყარო ხასიათდება ბიომრავალფეროვნების მაღალი დონით. აქ გავრცელებულია ფლორის 14 და ფაუნის 60 ენდემური სახეობა.
ისტორიულმა კვლევებმა აჩვენა, რომ ეს ტერიტორია ათასობით წლის წინ, პრეისტორიული ადამიანებით იყო დასახლებული. უბეში მდებარე ზოგიერთი კუნძული დასახლებულია. ერთ-ერთ მათგანზე, ტუანჩაუზე მდებარეობდა ხო ში მინის რეზიდენცია. კუნძულების დაახლოებით ნახევარი, 1986 წელს ეროვნულ პარკად გამოცხადდა.
უბე ვიეტნამის მთავარი ტურისტული სავიზიტო ბარათია. 1994 წელს, იუნესკომ ის მსოფლიო მემკვიდრეობის სიაში შეიყვანა.
კომენტარის დამატება