ერბილი, იგივე ჰავლერი (ქურთ. ھەولێر; არაბ. أربيل Arbīl; Hewlêr; სირ. ܐܪܒܝܠ Arbel) — ერაყის ქურთისტანის დედაქალაქი. მდებარეობს რეგიონის ცენტრალურ ნაწილში, ბაღდადიდან ჩრდილო-აღმოსავლეთით. 2013 წლის მონაცემებით ქვეყნის მოსახლეობა 1 500 000 ადამიანს შეადგენს. შედის ერბილის მუჰაფაზის შემადგენლობაში და წარმოადგენს მის ცენტრს.

სავარაუდოდ აქ პირველი დასახლება ქრისტეს შობამდე 5000 წელს უნდა გაჩენილიყო. ამის გამო ერბილი ერთ-ერთ ყველაზე ძველ მუდმივად დასახლებულ პუნქტს წარმოადგენს. ქალაქი მნიშვნელოვანია ისლამური არტეფაქტების სიუხვით და არქეოლოგიური პროექტების ცენტრს წარმოადგენს. ქალაქი მოხსენიებულია მესამე თასწლეულის შუმერულ ნაწერებში როგორც „ურბელუმი“ ან „ურბილუმი“. სავარაუდოდ წარმოსდგება სახელიდან „არბილო“, რაც შუმერულად ოთხ ღმერთს ნიშნავს.