ბონეირი (ნიდერლ. Bonaire, პაპიამენტო: Boneiru) — 2010 წლის ოქტომბრიდან ნიდერლანდების სპეციალური მუნიციპალიტეტი (ოფიციალურად საჯარო ორგანო), კარიბის ზღვაში. არუბასა და კიურასაოსთან ერთად მათ ეწოდება ABC-კუნძულები, ისინი ეკუთვნიან მცირე ანტილის კუნძულების სამხრეთ ჯაჭვს — ქარპირა კუნძულებს. დასახელება მომდინარეობს კაკუეტიოს ხალხის ენიდან ბონაი, რომელიც ესპანურსა და პორტუგალიურში დამკვიდრდა, როგორც Bojnaj და მიიღო მნიშვნელობა: "კარგი ჰაერი".

2010 წლის 10 ოქტომბერს ნიდერლანდების ანტილის კუნძულების დაშლამდე ბონეირი მის შემადგენლობაში შედიოდა. მას შემდეგ ის წარმოადგენს ნიდერლანდების სპეციალურ მუნიციპალიტეტს.