Անվան այլ կիրառումների համար տե՛ս՝ Սանտորինի (այլ կիրառումներ)

Սանտորինի (հուն․՝ Σαντορίνη, Հունարեն արտասանությունը` [sandoˈrini]), դասական անվանումը՝ Թիրա (հուն․՝ Θήρα [ˈθira]), հունական կղզի Եգեյան ծովի հարավային հատվածում, Հունաստանի մայրցամաքային տարածքից մոտ 200 կմ հեռավորության վրա՝ դեպի հարավ-արևելք։

Հանդիսանում է համանուն շրջանաձև կղզիախմբի ամենամեծ կղզին, որը հանդիսանում է հրաբխայի ձագման կաթսայաձև կամ կրկեսանման փլվածքային ծագում ունեցող իջվածք։ Սանտորինին համարվում է Կիկլադյան կղզիների ամենահարավային կղզին, որը զբաղեցնում է մոտ 73 կմ քառակուսի տարածք։

Ըստ 2011 թվականի մարդահամարի տվյալների՝ կղզու բնակչությունը կազմում է 15,550 մարդ։ 2011 թվականի վարչատարածքային բաժանման վերաբերյալ «Կալիկրատիս» բարեփոխումներից հետո Սանտորինի կղզին և հարակից մի քանի փոքրիկ կղզիները միասին կազմում են Սանտորինիի կամ Թիրայի տարածաշրջանային միավորը կամ նոմոսը։ Վարչատարածքային միավորը ներառում է բնակեցված Սանտորինի և Թերասիա կղզիները, ինչպես նաև մի շարք անմարդաբնակ կղզիներ՝ Ասպրոնիսի, Խրիստիանա, Պալայա Կամենի, Նեա Կամենի։

Այստեղ է տեղի ունեցել Թիրայի հրաբխաժայթումը, որը տեղի է ունեցել 3600 տարի առաջ։ Կղզու վրա գտնվող գլխավոր քաղաքը Օյան է։ Ներկայումս Սանտորինին Հունաստանի գլխավոր զբոսաշրջային կենտրոններից է։