Օկտոբերֆեստ (գերմ. արտասանություն։ [ɔkˈtoːbɐˌfɛst]), աշխարհի ամենամեծ ֆոլկսֆեստն է (գարեջրային, գինու և զբոսաշրջության փառատոն). Անցկացվում է հիմնականում Գերմանիայի բավարական Մյունխեն քաղաքում, տևում է սեպտեմբեր ամսի կեսից կամ վերջից մինչև հոկտեմբերի առաջին հանգստյան օրերը։ Կազմակերպողն ու անցկացնողը քաղաքի վարչակազմն է։ Տեղացիները հաճախ այն անվանում են «Wiesen», որը քաղաքի տոնավաճառ-հրապարակ «Theresienwiese»-ի կարճ անվանումն է։ Օկտոբերֆեստը բավարական մշակույթի կարևոր մասն է, նշվում է 1810 թվականից։ Ամբողջ աշխարհում տարբեր քաղաքներ տոնում են Օկտոբերֆեստը՝ հետևելով Մյունխենի օրինակին։