Kaunos
( Կավնոս )Կավնոս (կարի․՝ kbdynš, հուն․՝ Καΰνος, անգլ.՝ Kaunos, Կաունոս), հնագույն քաղաք Կարիայում։ Ներկայում պահպանվում են նրա ավերակները Թուրքիայի Մուղլայի մարզում՝ ժամանակակից Դալյան քաղաքի մերձակայքում։
Քաղաքի մեծ մասը գտնվել է Կալբիս (Calbis) գետի արևմտյան ափին, որը ծառայել է որպես Կարիայի սահմանը Լիկիայի հետ։ Գտնվելով Կարիայի սահմաններում, քաղաքը, այնուամենայնիվ, չի պատկանել կարիական կամ հունական գաղութների թվին։ Նրա բնակչությունը տարբերվել է շրջակա ցեղերից։
Հին հունական առասպելի համաձայն՝ քաղաքը հիմնել է Միլետոսի որդին՝ Կավնոսը, որը փախել է այս շրջան իր քրոջ՝ Բիբլիսի հետ ողբերգական հարաբերությունների պատճառով։ Հնում Միլեթ քաղաքը եղել է կարիական, ինչը վկայում է Կավնոսի՝ Կարիայի բնակչության հետ ունեցած կապի մասին։ Հերոդոտոսը, որ բնակվել է Կարիայում գտնվող Հալիկառնաս քաղաքում, Կավնոսի բնակիչների մասին գրել է (1.172)․
«Ինչ վերաբերում է կավնոսցիներին, ապա նրանք, կարծում եմ, [մայրցամաք...Կարդալ ավելին
Կավնոս (կարի․՝ kbdynš, հուն․՝ Καΰνος, անգլ.՝ Kaunos, Կաունոս), հնագույն քաղաք Կարիայում։ Ներկայում պահպանվում են նրա ավերակները Թուրքիայի Մուղլայի մարզում՝ ժամանակակից Դալյան քաղաքի մերձակայքում։
Քաղաքի մեծ մասը գտնվել է Կալբիս (Calbis) գետի արևմտյան ափին, որը ծառայել է որպես Կարիայի սահմանը Լիկիայի հետ։ Գտնվելով Կարիայի սահմաններում, քաղաքը, այնուամենայնիվ, չի պատկանել կարիական կամ հունական գաղութների թվին։ Նրա բնակչությունը տարբերվել է շրջակա ցեղերից։
Հին հունական առասպելի համաձայն՝ քաղաքը հիմնել է Միլետոսի որդին՝ Կավնոսը, որը փախել է այս շրջան իր քրոջ՝ Բիբլիսի հետ ողբերգական հարաբերությունների պատճառով։ Հնում Միլեթ քաղաքը եղել է կարիական, ինչը վկայում է Կավնոսի՝ Կարիայի բնակչության հետ ունեցած կապի մասին։ Հերոդոտոսը, որ բնակվել է Կարիայում գտնվող Հալիկառնաս քաղաքում, Կավնոսի բնակիչների մասին գրել է (1.172)․
«Ինչ վերաբերում է կավնոսցիներին, ապա նրանք, կարծում եմ, [մայրցամաքի] բնիկներ են, նրանք իրենք, այնուամենայնիվ, իրենց համարում են Կրետեից եկածներ։ Նրանց լեզուն է նման կարիերենին, թե, ընդհակառակը, կարիերենն է նման կավիերենին, ես հաստատ չեմ կարող որոշել։ Սովորույթներով նրանք շատ տարբեր են ոչ միայն կարիացիներից, այլև բոլոր մյուս ժողովուրդներից»։
Կավնոսը դիմադրել է պարսից արքայի հրամանատար Կյուրոս Հարփագուսին, բայց ենթարկվել է մ.թ.ա. 540-ականներին։
Կավնոսը հայտնի քանդակագործ Պրոտոգենեսի ծննդավայրն է։
Ավելացնել նոր մեկնաբանություն