Գանգերի մատուռ (լեհ.՝ Kaplica Czaszek), պաշտոնապես՝ Սուրբ Բարդուղիմեոսի եկեղեցի (լեհ.՝ Kościół świętego Bartłomieja), մատուռ-ոսկրատուն Լեհաստանի Կուդովա Զդրույ քաղաքում։ Կառուցվել է 1776 թվականին Գլաց կոմսության սահմանին որպես եղբայրական գերեզմանատուն։ Միակ ոսկրատունն է Լեհաստանում և վեց ոսկրատներից մեկը Եվրոպայում։
Մատուռը կառուցվել է 1776 թվականին ազգությամբ չեխ հոգևորական Վացլավ Տոմաշեկը որպես Երեսնամյա պատերազմում և Սիլեզյան երեք պատերազմներում մահացածների[1], ինչպես նաև խոլերայից, սիֆիլիսից ու քաղցից մահացածների դամբարան[2][3]։ Որպես նախօրինակ ծառայել է հռոմեական Սանտա Մարիա դելա Կոնչեցիոնե եկեղեցին, որի կրիպտեում թաղված են կապուցին վանականանների ոսկորներ[4]։ Տասնութ տարվա ընթացքում (1776-1794) Տոմաշեկը հավաքել ու մաքրել է ոսկորներ, ապա դրանք տեղավորել մատուռում։ Կառուցման հարցում համագործակցել է տեղի ազնվական Լեոպոլդ ֆոն Լեսլին[5]։ Շինարարությունն ավարտելուց հետո հայր Վացլավ Տոմաշեկը մահացել է[5]։
Ներկայումս տարվա մեջ մեկ անգամ (օգոստոսի 14-ի լույս 15-ի գիշերը) մատուռում պատարագ է մատուցվում այնտեղ թաղված, ինչպես նաև բոլոր այն մարդկանց հոգիների հանգստության համար, ովքեր մահացել են դժբախտ պատահարներից ու հիվանդություններից։
↑ «Часовня черепов в Польше»։ Тайны мира (ռուսերեն)։ 20.03.2014։ Արխիվացված է օրիգինալից 2020-03-29-ին։ Վերցված է 2020-04-22 ↑ Waldemar Brygier, Tomasz Dudziak Ziemia Kłodzka. — Pruszków: Oficyna Wydawnicza "Rewasz", 2010. — P. 310. — ISBN 978-83-89188-95-3 ↑ Perrin Doniger (29.10.2013)։ «This Beautiful Chapel in Czermna, Poland, Is Constructed Out of Thousands of Human Bones»։ Smithsonian Magazine (անգլերեն) ↑ «Kaplica Czaszek - najbardziej niezwykłe miejsce Polsce»։ WP Turystyka (լեհերեն) ↑ 5,0 5,1 «Кудо́ва-Здру́й (Kudowa-Zdrój)»։ StudentPortal (ռուսերեն)։ 18.04.2016
Ավելացնել նոր մեկնաբանություն