Ալմոուրոլ դղյակը միջնադարյան կառույց է, գտնվում է Տախո գետի մի փոքր կղզու վրա, Պորտուգալիայի Կենտրոնական շրջանի կենտրոն Վիլա Նովա դե Վարկինյա քաղաքից 4 կմ հեռավորության վրա է։ Դղյակը պատկանել է Տամպլիեր ասպետներին և պորտուգալական ռեկոնկիստայի ժամանակ օգտագործվել է որպես հենակետ։
Ժայռոտ կղզյակը, որի վրա գտնվում է Ալմոուրոլը, հնուց ռազմավարական նշանակություն է ունեցել՝ վերահսկելով գետով անցնող ջրային ճանապարհը։ Հնագիտական պեղումները ցույց են տվել, որ առաջին ամրություններն այստեղ կառուցվել է մ. թ. 1-ին դարում։ Հետագա դարերում այս վայրում ամրություններ են ունեցել ալանները, վեսթգոթերը, մավրերը։
Հայտնի է, որ երբ Պորտուգալիայի առաջին արքա Ալֆոնսու 1-ին Էնրիկեշի զորքերը 1129 թվականին հայտնվել են այս հողերում, կղզու վրա մավրիտանական ամրոց է եղել[1]։
Ներկայիս դղյակը կառուցել են տամպլիերները 1160-1171 թվականներին։ 1312 թվականին տամպլիերների միության լուծարումից հետո դղյակը դատարկվել է։
19-րդ դարում ռոմանտիկ հայրենասերները վերականգնել են դղյակը, որը, սակայն, շատ քիչ ընդհանուր բան ուներ դղյակի միջնադարյան նախատիպի հետ[2]։ Այդուհանդերձ, 1910 թվականին այն ներառվել է Պորտուգալիայի ազգային հուշարձանների ցանկում։ 1940-1950-ականներին այն վերակառուցվել է՝ որպես երկրի դիկտատոր Սալասարի նստավայրերից մեկը։
↑ http://www.allcastles.ru/portugal/almourol.html ↑ https://www.visitportugal.com/en/NR/exeres/93BB8CEE-0F4E-4AA2-8CFD-1231DA7AB43E
Ավելացնել նոր մեկնաբանություն