Uluru (en pitjantjatjara: Uluṟu) tamén coñecido como Ayers Rock, é unha gran formación rochosa de arenita na parte sur do Territorio do Norte, no centro de Australia. Atópase a 355 km da vila máis achegada, Alice Springs, 450 km seguindo a estrada.

Uluru é un lugar sagrado dos pitjantjatjara anangu, os aborixes da área. A zona que arrodea a formación rochosa contén numerosas fontes, así como pozas, covas e pinturas antigas. Uluru é Patrimonio da Humanidade pola UNESCO. Uluru e Kata Tjuta, tamén coñecido como Olgas, son as dúas principais atraccións do Parque Nacional Uluṟu-Kata Tjuṯa.