Takayama (高山市, たかやまし, Takayama-shi) é un concello da prefectura de Gifu no Xapón. Está situada ao centro da rexión de Chūbu e ao norte da rexión de Tōkai, e ao norte da prefectura, na zona da provincia histórica de Hida, no centro da illa de Honshū. A súa superficie é de 2.177,67 km² e a poboación de 93.762 habitantes (2009) e ten unha densidade de poboación de 43,1 h/km².

O concello de Takayama limita cos concellos de Hida, de Shirakawa, de Gujō, de Gero (son da prefectura de Gifu); de Kiso, de Matsumoto, de Ōmachi (son da prefectura de Nagano); de Toyama (da prefectura de Toyama); de Hakusan (da prefectura de Ishikawa); e de Ōno (da prefectura de Fukui).