Parque natural del Cabo de Gata-Níjar
( Parque Natural do Cabo de Gata-Níjar )O Parque Natural Marítimo-Terrestre do Cabo de Gata-Níjar é un parque natural da provincia de Almería, declarado como tal no 1987.
Foi o primeiro, con esta denominación, de ámbito marítimo-terrestre do Estado, e probablemente un dos últimos redutos de costa virxe do Mediterráneo.
Nel habitan multitude de especies vexetais xerófitas endémicas e ata hai poucos anos foi santuario das últimas focas monxe de Europa.
A composición do terreo é fundamentalmente rochas sedimentarias, (gres etc.) de antigos fondos mariños, pero na zona tamén existen multitude de rochas volcánicas en moitas das súas manifestacións.
Na actualidade estase a desenvolver unha grande actividade turística aproveitando as paradisíacas praias que hai alí.
Por estas e outras características está declarado como Reserva da biosfera pola UNESCO.
![[node:title]](/sites/default/files/styles/640x320/public/default_images/default_0.JPG.webp?itok=aqV9zhFR)
Engadir un novo comentario