O Pão de Açúcar é un complexo de montículos localizado no barrio de Urca, na cidade do Río de Xaneiro, no Brasil. Está composto por tres montículos; o Pão de Açúcar (que dá nome ao complexo), o Morro da Urca e o Morro da Babilônia. Xunto coa estatua do Cristo Redentor, é unha das imaxes máis recoñecidas da cidade do Río de Xaneiro e do Brasil. Polas súas características únicas, á beira da baía de Guanabara, constitúe unha referencia turística internacional para a cidade.