O Palacio de Catarina (ruso: Екатерининский дворец) era a residencia de verán dos tsares de Rusia, de estilo rococó e situada na cidade de Tsarsekoe Selo (actualmente chamada Pushkin), a 25 km ao sueste de San Petersburgo, antiga capital do Imperio ruso. O palacio está integrado, xunto co conxunto de palacios e parques da cidade de Pushkin, así como o seu centro histórico (código 540-006) no lugar Patrimonio da Humanidade chamado «Centro histórico de San Petersburgo e conxuntos monumentais anexos».