Os Budas de Bamiyán (en lingua persa: تندیسهای بودا در باميان tandis-ha-ye buda dar bamiyaan) eran dúas estatuas monumentais de Budas esculpidos nos lados dun cantil no val de Bāmyān, no centro de Afganistán, situado a 230 km ao noroeste de Cabul, a unha altura de 2.500 metros sobre o nivel do mar. Erixidos nos século V e VI, as estatuas representaban a conxunción da arte grega e budista.

En marzo de 2001 o goberno talibán derrubou as estatuas. Existe un proxecto de reconstrución que resulta controvertido.