San Joanen kokatedrala (malteraz: Kon-Katidral ta' San Ġwann) Vallettako katedral katolikoa da, Joan Bataiatzailearen omenez eraikia. San Joan Ospitaleko Zaldunek 1572 eta 1577 artean eraikia, Jean de la Cassière maisu handiak San Joanen eliza komentuala (malteraz: Knisja Konventwali ta' San Ġwann) izendatu zuen.

Girolamo Cassar maltar arkitektoak diseinatu zuen eta Mattia Pretik eta beste artistek barnealdea dekoratu zuten. Bere barnealdea Europako barrokoaren ikurretako bat da.