Royal Pavilion

Description

Royal Pavilion (euskaraz: «errege-pabiloi») edo Brighton Pavilion Brightonen dagoen jauregi bat da. XIX. mendean eraiki zen, Jurgi IV.arentzat, garai hartan oraindik printze erregeordea zena.

Printzeak Henry Holland arkitektoaren zerbitzuak kontratatu zituen, bere etxalde txikia villa berri bihurtzeko. Hasiera batean Brighton House bezala ezagutua, "E" hizki baten formako bi solairuko eraikin klasiko bat zen, zurezko armazoi batekin eta krema koloreko azulejo matematikoz eginiko fatxada batekin. Sei joniar zutabe dituen ganga-formako areto baten erdian dago, hegalak bi alboetan okertuta dituela; joniar elizpe bat, berriz, sarrera da mendebaldean. Dekorazioa frantziar estilo bikainekoa zen. Artearekiko eta ekialdearekiko zuen grinarekin, printzeak etxea altzariz jantzi eta apaindu zuen, bereziki Txinatik ekarritako objektu eta altzariak aukeratuz. Hormak eskuz margotutako paperez papereztarazi zituen.