Namib Namibiako kostaldean zehar kokatuta dagoen basamortua da, hegoaldean Hegoafrikako muga sortzen duen Orange ibaitik, iparraldean Angolako muga sortzen duen Kunene ibaira. Namib basamortuak 1.600 km luzera, 80 - 200 km zabalera eta 80.000 km² azalera ditu. Namib hitza nameraz “izugarria” esan nahi du.

Geografo batzuen ustez, eskualdea basamortu bera baino handiagoa da: iparraldean Angolako Kaoko basamortua eta hegoaldean Hegoafrikako Karoo goi-ordokia eskualdean kokatzen dituztelako.

Namib munduko basamorturik zaharrena da, Paleozenoan, duela 65 milioi urte, jadanik sortuta zegoelako.

Hegoaldeko aldean, diamante ustiapen-eskualdea dago, Restricted Diamond Area Sperrgebeit izenekoa. Tungsteno eta gatza ere ustiatzen dira.