Milà Etxea, (katalaneraz Casa Milà) La Pedrera izenaz ere ezaguna, (pedrera, katalaneraz harrobi esan nahi baitu) Antoni Gaudí arkitekto katalanaren lana da, 1906 eta 1910 urteen bitartean era katalan modernistan eraikia. Passeig de Gràcia kaleko 92. zenbakian kokatzen da, Bartzelonako Eixample auzogunean. Etxe hau Pere Milà i Camps eta Roser Segimon i Artells senar-emazteen enkarguz eraiki zen. Gaudí arkitektoak Domènec Sugrañes eta Josep Canaleta kideen laguntza jaso zuen, bai eta Josep Bayó i Font eraikitzailearena ere, azken hau Gaudírekin bat Batlló Etxean lan egina zen.