Meroe (meroera: Medewi edo Bedewi; arabieraz: مرواه Meruwah eta مروى Meruwi) Nilo ibaiaren ekialdeko ertzean zegoen antzinako hiria izan zen, Sudango Shenditik 6 kilometrotara dagoena, Nubian.
K.a. VIII. mendean sortua izan zela uste da. Nubiako hiri garrantzizkoena bihurtu zen sortu eta denbora gutxira, eta zenbait mendez Kuxeko Erresumako hiriburu izan zen gero. K.o. IV. mendean suntsiturik geratu zen. Meroe egon zen tokian, gaur egungo Sudango iparraldean, tenpluen, jauregien, nekropolien, eta abarren aztarnak aurkitu izan dira.
Aztarnategi arkeologikotik gertu Bagrawiyah izeneko herrixka multzo talde bat dago.
Gehitu iruzkin berria