Harar (harareraz: ሐረር, Härärə), Gey (harareraz: ጌይ, Gēy) ere deitua, ekialdeko Etiopiako hiria da, Harari eskualdeko hiriburua. Etiopiako goi-lautadaren ekialdean dago, 1.885 metroko garaieran. 2015ean 129.000 biztanle zituen.

2006an, UNESCOk Gizateriaren ondare izendatu zuen Harar Jugol izeneko hirigune historikoa. Islamaren laugarren hiririk sakratuenentzat jotzen dute, 82 meskita, horietatik hiru X. mendekoak, eta 102 santutegi izanik. Hiri zaharra harresiz hornitua da. Merkataritzagunea (kafea) da, eta kobre meategiak ditu.