El Ateneo Grand Splendid Argentinako Buenos Aires hiriburuko liburu denda bat da. Grand Splendid antzokia egon zen lekuan egoteagatik nabarmentzen da, antzoki honen jatorrizko arkitektura kontserbatu ondoren, baina, aldi berean, liburu denda bezala funtzionatzeko berregokitua dagoelako. Santa Fe Hiribidearen 1860 zenbakian dago, Recoleta auzoan. 2008an, The Guardian egunkari britainiarrak munduko bigarren liburu-dendarik ederrena aukeratu zuen, eta 2019an National Geographicek munduko liburu-denda komertzialik ederrena izendatu zuen.