Eguzkiaren Piramidea (gaztelaniaz: Pirámide del Sol) Teotihuacango eraikinik handiena da. Piramidea Hildakoen galtzadan dago, Ilargiaren Piramidea eta antzinako hiriaren artean.

Eraikitze-lanak Tzacualli garaian hasi zituzten. Teotihuacan, Ertamerikako hiri nagusi bezala garatzen hasi zenean. 63,4 metroko altuera du. Tontorrean, tamaina handiko idolo baten tenplu bat eta estatua bat zeuden; orain, gainazal irregularreko plataforma karratu bat baino ez da geratzen. Bere nukleoa, adobezkoa da, eta, antzina, dena, iztuku gaineko margoz estalita zegoen.