Banteay Srei edo Banteay Srey (khmereraz: ប្រាសាទបន្ទាយស្រី) Kanputxean dagoen X. mendeko tenplu bat da, Shiva jainko hinduari eskainitakoa. Angkor gunean dago, Phnom Dei muinotik gertu, antzina, Erdi Aroko hiriburu izan ziren Yasodharapura eta Angkor Thomenak izan ziren tenplu multzo nagusitik 25 kilometro ipar-ekialdera. Banteay Srei, nagusiki, hareharri gorriz eraikia dago, berez, harresietan taila landu eta apaingarriak ahalbidetzen duten baliabidea, oraindik ikus daitezkeen tailak. Eraikinak, berez, eskalan eginiko miniaturak dira, oso ez ohikoa, Angkorreko eraikinen estandarrarekin alderatuz gero. Faktore hauek, tenplua, oso ezagun bihurtu dute turisten artean, eta luze-zabal osoan bitxi preziatu edo khmer artearen bitxia bezala laudatua izatera eraman du.

Tenplu hau, multzoko guztietatik, emakumeek eraiki zuten bakarra da, X. mendearen amaieran, eta, berari buruz, ziur aski, guztietatik ederrena dela diote. Eraikitzeko, hareharri gorrixka bat aukeratu zen, eta gainontzekoak baino tenplu txikiagoa den, inongo zalantzarik gabe, ezinbestean bisitatu beharrekoa da Angkorrera iritsitakoan. Bere erliebe eta eskulturak, xehetasun ñimiñoeneraino landuak daude, eta, bere harresien artean, bikain kontserbatutako hiru dimentsiotako irudiak ikus daitezke.

Shivari eskainitako tenplu hindu hau, khmer arte klasikoaren maisulan gailena bezala hartzen da, eta zenbait barrutiz osatua dago, non, euren aurrealdeetan, elezahar sakratuen atalak irudikatzen dituzten erliebe narratiboak aurki daitezkeen.