Apalatxeetako bidezidorra, ingelesez: Appalachian National Scenic Trail, nagusiki Appalachian Trail edo A.T., AEBetako ekialdean barna doan bidezidor bat da. Georgiako Springer mendia eta Maineko Katahdin mendiaren artean hedatzen da, Apalatxeak ardatz hartuz. Denera 3.500 kilometro luze ditu.

Baso, mendi, naturgune eta landa eremuetan barna doa.

AEBetako hamalau estatu zeharkatzen ditu: Georgia, Ipar Carolina, Tennessee, Virginia, Mendebaldeko Virginia, Maryland, Pennsylvania, New Jersey, New York, Connecticut, Massachusetts, Vermont, New Hampshire eta Maine. Berez, Mainetik Kanada eta Ternuan barna Groenlandiara doan luzapena ere badago.