Tehran (fars. تهران‎) – İranın paytaxtı. Sahəsi 1.500 kv.km, əhalisinin sayı 2006–cı ildə aparılmış rəsmi siyahıya almanın nəticələrinə əsasən 7.088.287 nəfərdir. Tehran şəhəri Bakıdan sonra dünyada ən çox azərbaycanlının yaşadığı şəhərdir. Bir başqa iddia görə isə dünyanın ən böyük azərbaycanlılar yaşayan səhəri və dünyanın İstanbuldan sonra türklər yaşayan ən böyük şəhəridir.

Tehranı ilkin olaraq, Qacar sülaləsinin ilk nümayəndəsi Ağa Məhəmməd şah Qacar İran üçün paytaxt seçmişdir. Onun sonuncu paytaxt tarixi 1796-ci ildən başlayır. Buna kimi ölkənin paytaxtı İsfahan, sonra Qəzvin, Şiraz və Həmədan olmuşdur.