Sardiniya (it. Sardegna) — Aralıq dənizində, Appenin yarımadasından qərbdə yerləşən ada. İtaliya muxtar vilayətlərindən biri. Sahəsi 24 min km²-dir. Relyefi əsasən, dağlıqdır. Maksimal hündürlüyü 1834 metdrdir (La-Marmora dağı). Cənub-qərbdə Sardiniyanın mərkəzi hissəsindəki dağlardan Kampidano ovalığı ilə ayrılan İqleziyente massivi yerləşir. İqlimi subtropik, Aralıq dənizi tiplidir. İllik yağıntı 600–1000 mm-dir. Kserofit kolluqlar və palıd meşələri var. Əsas portu Kalyaridir.