Əl-Balad (ərəb: البلد) Səudiyyə Ərəbistanının ikinci böyük şəhəri olan Ciddənin tarixi ərazisidir. Balad hərfi mənada "Şəhər" kimi tərcümə oluna bilər. Bələd Ciddə şəhərinin tarixi mərkəzidir.

Əl-Balad 7-ci əsrdə təsis edilib və tarixən Ciddə şəhərinin mərkəzi kimi xidmət edib. Əl-Baladın müdafiə divarları 1940-cı illərdə söküldü. 1970 və 1980-ci illərdə, Ciddə neft bumu səbəbiylə varlanmağa başlayanda, bir çox Ciddəvilər onlara daha az çiçəklənən dövrləri xatırlatdığı üçün Əl-Baladdan uzaqlaşaraq şimala köçdü. Əl-Baladda böyük avtomobillər üçün kifayət qədər park yeri yox idi. Onun mağazalarında bahalı dizayner geyimləri satılmırdı. Səudiyyə əhalisinin yerinə yoxsul immiqrantlar köçdü. Ciddə bələdiyyəsi tarixi qoruma işlərinə 1970-ci illərdə başlamışdır. 1991-ci ildə Ciddə Bələdiyyəsi Əl-Bələdin tarixi memarlığını və mədəniyyətini qorumaq üçün Ciddə Tarixini Qoruma Cəmiyyətini təsis etdi. 2002-ci ildə mühafizə cəmiyyəti üçün 4 milyon ABŞ dolları ayrılmışdır. 2009-cu ildə Əl-Balad Səudiyyə Ərəbistanı Turizm və Qədim Əsərlər Komissiyası tərəfindən YUNESKO-nun Ümumdünya İrs Siyahısına əlavə edilmək üçün namizəd göstərildi və 2014-cü ildə qəbul edildi.

Əl-Balad daxilindəki köhnə tikililəri qorumaq üçün, Tarixi Ərazilərin Qorunması Departamenti 1990-cı ildə ölkədə mədəni turizmin təşviqinə kömək etmək ümidi ilə yaradılmışdır. Səudiyyə vəliəhdi Məhəmməd bin Salman təcili təmirə ehtiyacı olan 56 bina olduğu üçün Ciddədəki köhnə şəhərin bərpası üçün 13,33 milyon dollar vəd etdi.

Bir çox Ciddəvi 2007-ci ilə qədər Əl-Baladdan köçmüşdü; Ramazan ayı ərzində Balad küçələri hələ də insanlarla dolu idi. Təxminən həmin il Əl-Baladı bərpa etmək üçün Ciddə Şəhər İnkişafı Şirkəti yaradıldı.