Mongolie

Mongolie (soondit /mənˈɡoli/; Mongolie: Монгол улс leeteral Mongol kintra/naition, ) is a laundlockit kintra in East an Central Aisie. It haes mairches wi Roushie tae the north an the Fowkrepublic o Cheenae tae the sooth, east an wast. Awtho Mongolie disna share a mairch wi Kazakhstan, its wastren-maist pynt is anely a few kilometres fae Kazakhstan's eastren neb. Ulan Bator, the caipital an lairgest ceety, is hame tae aboot 38% o the indwallers. Mongolie's poleetical seestem is a pairlamentary republic.

The airts o whit is Mongolie haes been ruled bi monie nomadic empires, inc...Read more

Mongolie (soondit /mənˈɡoli/; Mongolie: Монгол улс leeteral Mongol kintra/naition, ) is a laundlockit kintra in East an Central Aisie. It haes mairches wi Roushie tae the north an the Fowkrepublic o Cheenae tae the sooth, east an wast. Awtho Mongolie disna share a mairch wi Kazakhstan, its wastren-maist pynt is anely a few kilometres fae Kazakhstan's eastren neb. Ulan Bator, the caipital an lairgest ceety, is hame tae aboot 38% o the indwallers. Mongolie's poleetical seestem is a pairlamentary republic.

The airts o whit is Mongolie haes been ruled bi monie nomadic empires, includin the Xiongnu, the Xianbei, the Rouran, the Gökturks, an ithers. The Mongol Empire wis foondit bi Genghis Khan in 1206. Efter the dounfaw o the Yuan Dynasty, the Mongols returnt tae thair fore-gane paiterns. In the 16t an 17t centuries, Mongolie came unner the influence o Tibetan Buddhism. At the end o the 17t century, maist o Mongolie haed been incorporatit intae the airts ruled bi the Qing Deenasty. Durin the dounfaw o the Qing Deenasty in 1911, Mongolie declared unthirldom, but haed tae warstle till 1921 for tae firmly estaiblish de-facto unthirldom, an till 1945 for tae gain internaitional recogneetion. As a affcome, it cam unner strang Roushie an Soviet influence: In 1924, the Mongolie Fowkrepublic wis declarit, an Mongolian poleetics stairtit tae follae the same paiterns as Soviet poleetics o the time. Efter the dounfaw o communist regimes in Eastren Europe at the hint-end o 1989, Mongolie haed its ain Democratic Revolution in early 1990, that led tae a mony-pairty seestem, a new constitution in 1992, an the - raither roch - transeetion tae a mercat economy.