Lei Bodas de Bamian èran un grop de tres estatuas monumentalas excavadas dins un bauç de la Vau de Bamian situada dins lo centre d'Afganistan. Foguèron bastits entre 300 e 700 a l'iniciativa d'un centre religiós bodista situat lòng de la Rota de la Seda. Aqueu centre èra aparegut au sègle II e dispareguèt au sègle IX ambé l'islamizacion dei regions centralas dau continent asiatic. Segon lei racòntas de mai d'un viatjaire, leis estatuas èran ornats de pinturas, de joièus e d'aur.

Après la disparicion dau bodisme d'Asia Centrala e la destruccion de la vila de Bamian per lei Mongòls, leis estatuas perdiguèron sei decoracions. Doas estatuas demorèron visiblas fins a sa destruccion per lei Talibans en 2001. Lo destin de la tresena es totalament desconegut e es belèu ensablada.