ရတနာ ဆီမီးဘုရားစုသည် မန္တလေးတိုင်းဒေသကြီး တံတားဦးမြို့နယ် အင်းဝမြို့ အင်းဝနန်းတော်ရာ အနောက်ဘက် အပြင်စံရာကျေးရွာအနီးတွင် တည်ရှိသည့် ရှေးဟောင်းဘုရားစေတီများဖြစ်သည်။ ရတနာ ဆီမီးဘုရားစုတွင် စေတီခြောက်ဆူ၊ အုတ်ပြာဿာဒ် တစ်ဆူနှင့် ဂန္ဓကုဋိတိုက် ၃ တိုက် တည်ရှိပြီး လက်ရာမျိုးစုံကို လေ့လာနိုင်သည်။ ရတနာဆီမီးဘုရားစုအတွင်းတွင် အဆောက်အအုံအမှတ် (၃၇၂)မှ (၃၈၁)အထိ အမှတ်စဉ်အလိုက် ဗိသုကာလက်ရာ ၁၀ ခုကို တစ်နေရာတည်းတွင် တည်ရှိသည်။ ဗိသုကာလက်ရာပုံစံများမှာ အမရပူရခေတ်လက်ရာ အုတ်ပြာသာဒ်၊ ရတနာပုံခေတ်လက်ရာ ဆင်းတုတော်နှင့် ကုန်းဘောင်ခေတ်ဦး လက်ရာများ ဖြစ်သည်။ ရတနာဆီမီးဘုရားစုတွင် လက်ပံပင်များ၊ ထန်းပင်များဝန်းရံကာ အစုလိုက်တည်ရှိနေပြီး ပြည်တွင်းဘုရားဖူးဧည့်သည်များ၊ နိုင်ငံတကာခရီးသွားဧည့်သည်များ လာရောက်လေ့လာခြင်း၊ မှတ်တမ်းရိုက်ကူးခြင်းများကို အများဆုံးပြုလုပ်ကြသည်။
မှတ်ချက်အသစ် ရေးရန်