တင်မ်ဂတ်ဒ် သည် ရောမအင်ပိုင်ယာ၏ ဘာဘာမြို့တော်တစ်ခု ဖြစ်ခဲ့ပြီး အယ်လ်ဂျီးရီးယားနိုင်ငံ အောဟရပ်စ်တောင်တန်းပေါ်တွင် တည်ရှိသည်။ အေဒီ ၁၀၀ ခန့်က ဧကရာဇ် ထရာဂျန်မှ တည်ထောင်ခဲ့သည်။ မြို့၏ နာမည် အပြည့်အစုံမှာ "ကိုလိုနီးယား မာစီယာနာ အူလ်ပီယာ ထရိုင်ယာနာ သာမူဂဒီ" ဖြစ်သည်။ ထရာဂျန်ဧကရာဇ်သည် မြို့တော်အား ၎င်း၏ မိခင်ဖြစ်သူ မာစီယာ၊ အမအကြီးဆုံး ဖြစ်သူ အူလ်ပီယာ မာစီယာနာ နှင့် ဖခင်ဖြစ်သူ မားကပ်စ် အူလ်ပီယပ်စ် ထရိုင်ယာနပ်စ် တို့ကို အစွဲပြု၍ အမည်ပေးခဲ့ခြင်း ဖြစ်သည်။
ယနေ့ခေတ် အယ်လ်ဂျီးရီးယားနိုင်ငံ ရှိ ဘတ်တနာမြို့၏ အရှေ့ဘက် ၃၅ ကီလိုမီတာခန့် အကွာတွင် တည်ရှိသည်။ အပျက်အစီးများသည် ရောမခေတ် မြို့ပြစီမံမှုတွင် အသုံးပြုသော လေးထောင့်ကွက်ပုံစံ အစီအစဉ်အတွက် အကောင်းဆုံး ဥပမာတစ်ခု အဖြစ် ပြသနိုင်ခြင်းကြောင့် ထင်ရှားသည်။ တင်မ်ဂတ်ဒ်အား ယူနက်စကိုမှ ကမ္ဘာ့အမွေအနှစ်နေရာ အဖြစ် ၁၉၈၂ တွင် စာရင်းသွင်းခဲ့သည်။
မှတ်ချက်အသစ် ရေးရန်