လန်စီ မီးဒိုး (L'Anse aux Meadows; ;) ဆိုသည်မှာ ကနေဒါနိုင်ငံရှိ နယူးဖောင်လန်နှင့် လာဘရာဒါ ပြည်နယ်ရှိ နယူးဖောင်လန်ကျွန်း၏ မြောက်ဘက် အစွန်ဆုံး ထိပ်ဖျားတွင် ရှိသော ရှေးဟောင်းသုတေသနဆိုင်ရာ နေရာ တစ်ခုဖြစ်သည်။ ၁၉၆၀ ခုနှစ်တွင် ရှာဖွေတွေ့ရှိခဲ့ပြီး မြောက်အမေရိက နှင့် ကနေဒါတွင်ဂရင်းလန်းကျွန်းမှလွဲ၍ တစ်ခုတည်းသော နော့စ်လူမျိုး တို့နေထိုင်ခဲ့ရာ ကျေးရွာဖြစ်သည်။ ထိုနေရာသည် ကိုလံဘီယာခေတ် မတိုင်မီ အချိန်က သမုဒ္ဒရာကို ဖြတ်သန်း ဆက်သွယ်ခဲ့သော တစ်ခုတည်းသော ဥပမာ အဖြစ် အများက လက်ခံထားကြသည်။ ထို့အပြင် နော့စ်လူမျိုးတို့ အမေရိကားကို ရှာဖွေခဲ့ချိန် အေဒီ ၁၀၀၀ ခုနှစ်ခန့်က စူးစမ်းရှာဖွေသူ လိဖ် အဲရစ်ဆင် မှ ဗင်းလန်းကိုလိုနီကို တည်ထောင်ရန် ကြိုးစားခဲ့ကြောင်း ပြသနေသည့် အချက်တစ်ခုလည်း ဖြစ်သည်။ ၁၉၇၈ ခုနှစ်တွင် ယူနက်စကို ကမ္ဘာ့အမွေအနှစ်နေရာအဖြစ် သတ်မှတ်ခဲ့သည်။