လာဖဲရီရာ ရဲတိုက် သို့မဟုတ် ဟင်နရီ ခရစ်စတော့ဖ် ရဲတိုက် သို့မဟုတ် စီတာဒဲလ် သည် ဟေတီနိုင်ငံ နော့ဒ်ပြည်နယ်တွင် တည်ရှိသော တောင်ကုန်းပေါ်ရှိ ကြီးမားသော ခံတပ်ကြီး တစ်ခု ဖြစ်သည်။ ဘောနက် လီဗန့် တောင်ပေါ်တွင် တည်ရှိပြီးကက်ပ်ဟေရှန်မြို့၏ တောင်ဘက် ၁၇မိုင် (၂၇ ကီလိုမီတာ) ခန့်အကွာ ၊ ပင်လယ်အော် သုံးခု ထိန်းသိမ်းရေး ဒေသ၏ အနောက်တောင်ဘက် ၉.၃မိုင် (၁၅ ကီလိုမီတာ) ခန့်အကွာ ၊ မေးလော့မြို့၏ တောင်ပေါ် ၅ မိုင် (၈ ကီလိုမီတာ) ခန့် အကွာ တွင် တည်ရှိသည်။ ၎င်းသည် အမေရိကရှိ အကြီးဆုံး ရဲတိုက်ကြီးများတွင် တစ်ခု အပါအဝင် ဖြစ်ပြီး ယူနက်စကိုမှ ကမ္ဘာ့အမွေအနှစ်နေရာ အဖြစ် အနီးအနားရှိ ဆန်ဆော်ဆီနန်းတော်နှင့် အတူ ၁၉၈၂ ခုနှစ်တွင် စာရင်းထည့်သွင်းခဲ့သည်။ တောင်ထိပ်တွင် ရှိသော ရဲတိုက်ကြီးသည် ဟေတီနိုင်ငံ၏ အထိမ်းအမှတ်တစ်ခုလည်း ဖြစ်သည်။ ထိုရဲတိုက်အား ၁၇၉၁-၁၈၀၄ ခုနှစ် ဟေတီ ကျွန် သူပုန်ထမှုတွင် အဓိက ခေါင်းဆောင်ဖြစ်သော ဟင်နရီ ခရစ်စတော့ဖ် မှ တည်ဆောက်ခဲ့ခြင်း ဖြစ်ပြီး ဟေတီ အနေနှင့် ၁၉ ရာစု အစတွင် ပြင်သစ်တို့ထံမှ လွတ်လပ်ရေးရပြီးနောက်တွင် တည်ဆောက်ခဲ့ခြင်း ဖြစ်သည်။